जाने विधना के कईसन इम्तहान हो गईल
शहर सुनसान..., लबालब खरिहान हो गइल
..............
कोरोना के फइलल बा अइसे कहर
जइसे दानवता के उगलल ज़हर
आदिमी से बा आदिमी के दूरी बढ़ल
अइसे मुदइयन के पहर बढ़ल
अब मौसम से सभे परेशान हो गइल
जाने विधना के कईसन इम्तहान हो गइल......
कबो आंधी, कबो पानी, कबो पथल परत बा
बोझा खरिहानी में धइले सरत बा
बदलल बा मौसम के अइसे नज़र
जइसे हो मउवत के चलल लहर
कतहीं लावका से घारवा वीरान हो गईल
जाने विधना के कईसन इम्तहान हो गइल......
लउकेना केनहूं से सुधरे के आशा
आदमी ना समझेला आदमी के भाषा
कहस बिजेंदर कइसे निमही ए भाई
ताबाही के चक्की में सभे पिसाई......, काहे कि...
साबका से दूबर किसान हो गइल
जाने विधना के कईसन इम्तहान हो गइल
...……………..
बिजेन्द्र कुमार तिवारी
(बिजेंदर बाबू)
गैरतपुर, मांझी
सारण, बिहार
मोबाइल नंबर 7250299200
