बड़का इतवार 

 


बड़का अतवार बड़का अतवार


आज होए बड़का अतवार


सोई उठि चलि लेव नहाय


आज होए बड़का अतवार


 


सूरज भगवान अरगि देव


देव अगियार सुलगाय


बिना नोन कै भूखल रहियो


आज होए बड़का अतवार


 


घरे घरे मा सेवई पुरय


मिलि लड़के बुढ़ि जवान


मोटि मोटि हथवय से पूरय


आज होए बड़का अतवार


 


गऊवाँ मा बा एक मसीनिया


मंगवइयन कै लागि कतार


पातर सेवईयाँ जेसे पुराय


आज होए बड़का अतवार


 


काकी फुआ बहिनी आवय


मशीनी कै हाल बतावय


जाली कै बात फुस्फुसावय


आज होए बड़का अतवार


 


आटा गूंथी गुँथी रखि जाय


मशीनी धोइ धाय लेव सुखाय


लाई मशेहरी टाँगी मशिनिया


आज होए बड़का अतवार


 


मशीनी कै हंडिल घुमाइब


नाही बाय एतनो आसान


काँधे कै पूरा देय सोझाय


आज होए बड़का अतवार


 


छत्ता छत्ता पुराई सेवईयाँ


घामे वोका देव बिछइया


तीसरे पहर लाव उठईया


आज होए बड़का अतवार


 


जौ बदरी भय दैव बरिसीहै


कैसे आपन सेवई सुखईहै


वोका खातिर जुगाड़ लगईहै


आज होए बड़का अतवार


 


घी मा भूजल जाय सेवईयाँ


जब तक लाल नाहि होइ जाय


उपरा से उलटय दुधहडिया


आज होए बड़का अतवार


 


लाल बोरशी कै दुधवा


वोहमा परय ग़री छोहरवा


किशमिश कैसे उपराय


आज होए बड़का अतवार


 


चिरउँजि और लावा डारय


केहु केहु काजू बादाम


उजर उजर चीनी डारय


आज होए बड़का अतवार


 


सूरज बाबा के डूबे से पहिले


खाये का बाय सेवईयाँ


रोटी सेवई आज कै भोजनिया


आज होए बड़का अतवार


सरिता त्रिपाठी


 सरिता त्रिपाठी


लखनऊ, उत्तर प्रदेश


स्वरचित, मौलिक


Popular posts
भोजपुरी भाषा अउर साहित्य के मनीषि बिमलेन्दु पाण्डेय जी के जन्मदिन के बहुते बधाई अउर शुभकामना
Image
परिणय दिवस की हार्दिक शुभकामनाएं
Image
दि ग्राम टुडे न्यूज पोर्टल पर लाइव हैं लखीमपुर से कवि गोविंद कुमार गुप्ता
Image
सफेद दूब-
Image
शिव स्तुति
Image