हमरा गावँ, हमरा घर के मातृ भाषा ह भोजपुरी
हमरा खेत हमरा खलिहान के अभिलाषा ह भोजपुरी
खून हमरा रग-रग में, बस बहेला भोजपुरी के,
हमार आन-बान-शान,उम्मीद आशा ह भोजपुरी
हम रहीं चाहे दुनिया के भले कौनो कोना में ,
बाकिर जोड़े हमरा जड़ से वु, लासा ह भोजपुरी
भाई हो,अपना मातृ भाषा के गजबे होला मिठास
बोलला सुनला पे लागे ला की बताशा ह भोजपुरी
खून में बसल भाषा से केहू कईसे होई दूर जी
जवन सुख-दुःख में आवे काम वु, दिलासा ह भोजपुरी
अनघा प्यार-दुलार मिले ला एकरा दुनिया भर में,
बाकिर अपने लोगवा के बेरुखी से, बेदशा ह भोजपुरी
@नूरैन भाई