माई खातिर आज के परिवेस

 

माया शर्मा

हाँक माई लगावल खता हो गइल।

सब कहेला गँवारे पता हो गइल।।१।।



लेइ काँखे-पिठइयाँ चले ऊ कबो,

हाथ अँङुरी धरावल हवा हो गइल।।२।।


आजु मम्मी कहाली अउर माम सब,

लोग फैसन बना के भला हो गइल।।३।।


दूध माई क बड़हन रहल कर्ज तब,

आजु ओके चुकावल बुरा हो गइल।।४।।


पालि के पोंसि के ऊ सयाना करें,

साथ उनके निभावल मना हो गइल।।५।।


माया शर्मा,

पंचदेवरी,गोपालगंज(बिहार)

Popular posts
भोजपुरी भाषा अउर साहित्य के मनीषि बिमलेन्दु पाण्डेय जी के जन्मदिन के बहुते बधाई अउर शुभकामना
Image
बेटी को अभिमान बनाओ
Image
सफेद दूब-
Image
परिणय दिवस की हार्दिक शुभकामनाएं
Image
दि ग्राम टुडे न्यूज पोर्टल पर लाइव हैं लखीमपुर से कवि गोविंद कुमार गुप्ता
Image