आज भोरे भोरे दूधरिया आएल ह ।
हम दूध लेवे गइनी ह त पूछलस ह। "मलकिनी ,
रउरा इम्यूनिटी बढ़ावे वाला दूध लेवे के बाटे का ,किलो पर बीस रुपया बेसी पड़ी। हम कहनी ,आंए ई कइसन दूध होला दादा।
दूधरिया कहलस ह हम ऊ गइया के रोज सबेरे
गिलोय, तुलसी,अदरक, अजवाइन, लौंग,गोल मरीच, के काढा पीआइले ।आ भोरे से ले के सांझिले गवत के संगे संगे दु किलो नारंगी आ एक किलो निमो खिआइले।भोरे भोरे दु घंटा घाम में बान्हिले ।
हम मुड़ी पीट लेनी ह ,अब तू ही लुटेला बाकी रहल ह ए दादा।
आशा सिंह
मोतिहारी पूर्वी चंपारण बिहार
०९/०५/२०२१
