डेगे डेग ठेस....

बिकट जिनिगी के बाटे बिकट डगरिया 


डेगे डेग ठेस देले ऊँच खाल डगरिया...।


ओहू से दिक्कत देले दिन दुपहरिया, डेगे डेग...।


 


अँखिया के सपना शहरिया देखा के 


ले आइल जिनिगी बहरिया देखा के 


ढोवे के भार परऽत बा सिरवा टोकरिया,


डेगे डेग ठेस....। 


 


हँसऽता घाम जइसे कुफुत में पेर के 


बड़ घर के लइका लेखा मुँह फेर फेर के 


एतना सतावत आज दिन के बा बेकरिया, 


डेगे डेग ठेस...। 


 


छुधा बुतावे खातीर काम बा जरूरी 


कहाँ लेके चोला जाईं छोड़ के जी हजूरी 


कन्हेला प ठाढ़ बा लेके मुनुशिया छतरिया, 


डेगे डेग ठेस...। 


 


झांझर करेजा होला बोली सुन सुन के 


जारे के परेला घामा में रोज खून के 


रिने में जनम भइल, रिने में उमरिया, 


डेगे डेग ठेस....। 


 


विद्या शंकर विद्यार्थी 


 


Popular posts
दि ग्राम टुडे न्यूज पोर्टल पर लाइव हैं अनिल कुमार दुबे "अंशु"
Image
भोजपुरी भाषा अउर साहित्य के मनीषि बिमलेन्दु पाण्डेय जी के जन्मदिन के बहुते बधाई अउर शुभकामना
Image
हँस कर विदा मुझे करना
Image
सफेद दूब-
Image
दि ग्राम टुडे न्यूज पोर्टल पर लाइव हैं यमुनानगर हरियाणा से कवियत्री सीमा कौशल
Image