सगरी मानवता के मान कइलस घाही
देखहीं में लागे बैमान इहो हाही
रिश्ता के ना मोल, नाही डर बा ईमान के
बात बतियावे इहो, सागरी जहान के
अगल-बगल सगरो मचवलस ताबाही
देखहीं में लागे बैमान इहो हाही
कहीं ई पेट काटे कफनो चोरावेला
संस्कार हीन लोग के, मिलते मिलावेला
करे कुकरम हऽ कुकरमे के राही
देखहीं में लागे बैमान इहो हाही
लात से ई माने एके बात ना बुझाला
नेक-सांच लोग एकरा से बहुते डेराला
कहस बिजेंदर हवे बाड़ा खारखाही
देखहीं में लागे बैमान इहो हाही
बिजेंद्र कुमार तिवारी
बिजेंदर बाबू
गैरतपुर, मांझी
सारण, बिहार
मोबाइल नंबर:- 7250299200
