बाह रे जमाना

,
तोरा मे गजबे,बदलाव आईल बा।
होते जनम बबुआ के बाजा अंगरेजी बजववनी,
बबुआ खातिर ,बनावटी झुला लगाईल बा ।
बहुत मेहनत से , दिन-रतिया एककराईल बा।
एही तरे बबुआ पोसाईल बा।
जारा,घामा आ बरखा,कुछउ ना बुझाइल बा।
माई भुखे आ बाबू के पाईट पर चेपी सटाईल बा।
होत सयान मे बबुआके,
ख्वाब पुरा कराईल बा ,
आपन मुहवा मे जबिया लगाईल बा।
छाती चउरा कके , इसकुल भेजाईल बा।
जाते बबुआ के हाथे,माहटर पिटालईल बा ।
करत मजदूरी बाबू के,देहिया से पसीना आईल बा।
आ ईहा बबुआके,दारू मेगजबे स्टाईल बा।
होते सयान बबुआ से, आस लगईनी,
आ ईहा बबुआके हाथे,तास पता कटाईल बा।
बुढापा मे बारा आशा कईनी,
बाद मे कवनो जनम के, कईल करम याद आईल बा ।
होत बुढापा मे,मेहरी के कहला पर,
बबुआ!माई-बाबु से खुबे अगुताईल बा ।
रोज माई- बाबू भूखे मरस,
मेहरी के हाथवा मे सुधा मलाई बा।
माई-बहिनिया के, उलटा भाषा बोल बोलवले।
आ इहा ! सासु-सालीजी के चरण अमरित पिआईल बा ।
एक देहिया से निकलल के लात देखवनी ,
बहरी मे बेसवाके बनारसी किनाईल बा ।
"साधुजी"के बतिया पर ,
खुबे खिसीआईल बा।
बाह रे जमाना,तोरा मे गजबे बदलाव आईल बा ।


शैलेन्द्र कुमार साधु 
पं०महेन्द्र मिश्र के मिश्रवलिया,
जलालपुर, सारण, बिहार 
संपर्क-९५०४९७१५२४।


Popular posts
गाई के गोवरे महादेव अंगना।लिपाई गजमोती आहो महादेव चौंका पुराई .....
Image
अस्त ग्रह बुरा नहीं और वक्री ग्रह उल्टा नहीं : ज्योतिष में वक्री व अस्त ग्रहों के प्रभाव को समझें
Image
दि ग्राम टुडे न्यूज पोर्टल पर लाइव हैं अनिल कुमार दुबे "अंशु"
Image
परिणय दिवस की हार्दिक शुभकामनाएं
Image
पितृपक्ष के पावन अवसर पर पौधारोपण करें- अध्यक्ष डाँ रश्मि शुकला
Image